අප  විසින් විවිධ මූලාශ්‍රවලින් පෞද්ගලික දත්ත  එකතු කරනු ලැබේ. මෙයට ඇතුළත් වන්නේ:

ඔබ විසින් අපට සෘජුවම ලබාදෙන පෞද්ගලික දත්ත,

අප විසින් ස්වයංක්‍රීයව එකතු කරන පෞද්ගලික දත්ත,  සහ

වෙනත් මූලාශ්‍රවලින් අප විසින් එකතු කරන පෞද්ගලික දත්ත.

යනාදියයි.

පෞද්ගලික දත්ත  යන්නෙන් යම් නිශ්චිත පුද්ගලයෙකු/ ස්වාභාවික තැනැත්තෙකු සෘජුව හෝ වක්‍රව හඳුනාගැනීමට භාවිතා කළ හැකි ඕනෑම තොරතුරක් අදහස් වේ. මෙම අර්ථ නිරූපණයට අපගේ පාරිභෝගික නිරතවීම් මධ්‍යස්ථාන, සෘජු අලෙවිකරණ ව්‍යාපාර, දිනුම් ඇදීම් සහ තරඟ ආදිය හරහා මාර්ගගත නොවන අන්දමට සහ අපගේ වෙබ් අඩවි, යෙදුම් සහ තෙවන පාර්ශ්වීය වේදිකාවල සන්නාමගත පිටු හරහා මාර්ගගතව සහ තෙවන පාර්ශ්වීය වේදිකා ඔස්සේ ප්‍රවේශ වන හෝ එසේ භාවිතා කරන යෙදුම් එකතු කරන ලද පෞද්ගලික දත්ත   ඇතුළත් වේ.

ඔබ අප හා සම්බන්ධ වන විටෙක, ඔබගේ පෞද්ගලික  දත්ත ලබාදෙන ලෙස අප විසින් ඔබගෙන් ඉල්ලා සිටිය හැකිය. සීමාහහිත යුනිලීවර් ශ්‍රී ලංකා සමාගම විසින් ඔබගේ පෞද්ගලික  දත්ත යුනිලීවර් සමූහ සමාගම් සමඟ හුවමාරු කරගෙන, මෙම පෞද්ගලිකත්වය පිළිබඳ නිවේදනයට අනුකූල වන ආකාරයෙන් භාවිතා කළ හැකිය. අපගේ නිෂ්පාදන, සේවා, අන්තර්ගතය සහ වෙළඳ දැන්වීම් වැඩිදියුණු කිරීම සඳහා අප විසින් එය වෙනත් තොරතුරු සමඟ ඒකාබද්ධ කළ හැකිය.

අප විසින් ඉල්ලා සිටින පෞද්ගලික දත්ත ඔබ විසින් යුනිලීවර් සමාගම වෙත ලබාදීම අවශ්‍ය නොවන නමුත්, අප විසින් ඉල්ලා සිටින පෞද්ගලික දත්ත ඔබ විසින් යුනිලීවර් සමාගම වෙත ලබානොදීමට තීරණය කළහොත්, ඔබට ඇතැම් නිෂ්පාදන හෝ සේවා සැපයීමට හෝ උසස් තත්ත්වයේ සේවාවක් ලබා දීමට හෝ ඔබ විසින් ඉදිරිපත් කරනු ලැබිය හැකි  විමසීම්වලට පිළිතුරු දීමට අපට නොහැකි විය හැකිය. 

අප විසින් ඔබගේ පෞද්ගලික දත්ත එකතු කරන ක්‍රම

අප  විසින් විවිධ මූලාශ්‍රවලින් පෞද්ගලික දත්ත  එකතු කරනු ලැබේ. මෙයට ඇතුළත් වන්නේ:

ඔබ විසින් අපට සෘජුවම ලබාදෙන පෞද්ගලික දත්ත. ඔබ විසින් අපගේ සේවාවන් සහ නිෂ්පාදන භාවිතා කරන ආකාරය, එනම් ඔබ නරඹන හෝ නියුතු වන අන්තර්ගත වර්ග හෝ ඔබේ ක්‍රියාකාරකම්වල වාර ගණන සහ කාලසීමාව වැනි දත්ත අප විසින් එකතු කරනු ලැබේ. ඔබ අලෙවිකරණ පුවත් ලිපියක් සඳහා ලියාපදිංචි වන විට, සමීක්ෂණයක් සම්පූර්ණ කරන විට හෝ අපගේ නිෂ්පාදන මිලදී ගැනීම සඳහා ගිණුමක් සඳහා ලියාපදිංචි වන විට ඔබ විසින් අපට සපයන පෞද්ගලික දත්ත ද අප විසින් එකතු කරනු ලැබේ. එසේ සිදුකිරීමේ දී, ඔබගේ නම, ස්ත්‍රීපුරුෂ භාවය, උපන් දිනය, ලිපිනය, විද්‍යුත් තැපැල් ලිපිනය, දුරකථන අංකය හෝ ක්‍රෙඩිට් කාඩ්පත් විස්තර වැනි පෞද්ගලික දත්ත අප විසින් ඉල්ලා සිටිය හැකිය. සමහර යුනිලීවර් වෙළඳ සන්නාම විසින් ඔබ පිළිබඳව “පෞද්ගලික දත්තවල විශේෂ ප්‍රභේද” එකතු කළ හැකිය. අප විසින් එකතු කරන පෞද්ගලික දත්තවල විශේෂ ප්‍රභේද සහ අප විසින් එය භාවිතා කරන ආකාරය පිළිබඳ වැඩිමනත්තොරතුරු සඳහා, කරුණාකර පහත අදාළ කොටස බලනු මැනවි.

අප විසින් ස්වයංක්‍රීයව එකතු කරන පෞද්ගලික දත්ත. ඔබ විසින් අප සමඟ සබැඳිව අන්තර් ක්‍රියාකරන සෑම අවස්ථාවකම අපට ඇතැම් ආකාරයේ පෞද්ගලික දත්ත ලැබෙන අතර, අප විසින් ඒවා ගබඩා කරගැනීම සිදුකරනු ලැබේ. උදාහරණයක් ලෙස, ඔබගේ වෙබ් බ්‍රව්සරය අපගේ වෙබ් අඩවිවලට ප්‍රවේශ වන විට, පෞද්ගලික දත්ත ලබාගැනීම සඳහා අප විසින් කුකීස් සහ ලුහුබැඳීමේ තාක්ෂණයන් (වැඩි විස්තර දැන ගැනීමට, අපගේ  පෞද්ගලිකත්වය පිළිබඳ මූලික පාරිභාෂික පද/යෙදුම් බලන්න.) භාවිතා කරනු ලැබේ. ඔබ විසින් සෝදිසිකිරීම් කරන විට හෝ අපගේ නිෂ්පාදන/සේවා මිලදී ගැනීම කරන විට හෝ තරඟයකට හෝ ප්‍රශ්නාවලියකට සහභාගී වන විට හෝ අපගේ පාරිභෝගික සේවා කණ්ඩායම් සමඟ සන්නිවේදනය කරන විට ද ඔබගේ පෞද්ගලික දත්ත එකතු කරනු ලැබේ. අප විසින් එකතු කරන පෞද්ගලික දත්ත වර්ග සඳහා උදාහරණ අතරට; IP ලිපිනය, (වැඩි විස්තර දැන ගැනීමට, අපගේ  පෞද්ගලිකත්වය පිළිබඳ මූලික පාරිභාෂික පද/යෙදුම් බලන්න.)  උපාංග හැඳුනුම්පත, සිටින ස්ථාන දත්ත, බ්‍රව්සර වර්ගය සහ අනුවාදය වැනි පරිගණක සහ සම්බන්ධතා තොරතුරු, කාල කලාප සැකසුම, බ්‍රවුසර ප්ලග්-ඉන් වර්ග සහ අනුවාද මෙහෙයුම් පද්ධතිය සහ මිලදී ගැනීමේ ඉතිහාසය ඇතුළත් වේ. මෙහි දී, යුනිලීවර් සමාගම විසින් සමහර විට වෙනත් පාරිභෝගිකයින්ගෙන් සමාන තොරතුරු සමඟ රාශිගත කිරීමක් සිදුකරයි. යුනිලීවර් සමාගමේ වෙබ් අඩවිවල ඔබ විසින් අන්තර්ජාලයේ සැරිසරන ඇතැම් අවස්ථාවල, වෙබ් පිටු ප්‍රතිචාර වේලාවන්, බාගතකිරීම් දෝෂ, ඇතැම් වෙබ් පිටු නැරඹූ කාලය, පිටු අන්තර්ක්‍රියා තොරතුරු සහ වෙබ්  පිටුවෙන් ඉවත් වීමට භාවිතා කරන ක්‍රම ඇතුළු සැසි තොරතුරු මැනීමට සහ එකතු කිරීමට අප විසින මෘදුකාංග මෙවලම් භාවිතා කිරීම සිදුකළ හැකිය. වංචා වැළැක්වීම සහ නිර්ණය කිරීමේ අරමුණු සඳහා ඔබගේ උපාංගය හඳුනා ගැනීමට අප වෙත සහාන වීම සඳහා අප විසින් තාක්ෂණික තොරතුරු ද එකතු කළ හැකිය.

වෙනත් මූලාශ්‍රවලින් අප විසින් එකතු කරන පෞද්ගලික දත්ත. තෙවන පාර්ශ්වයන් සමඟ අපගේ විශ්වාසදායක හවුල්කාරිත්වයන් සහ තෙවන පාර්ශ්වීය වේදිකාවල අප විසින් යුනිලීවර් ගිණුම් ක්‍රියාත්මක කරන ස්ථාන ඇතුළු අනෙකුත් මූලාශ්‍රවලින් අප විසින් පෞද්ගලික දත්ත එකතු කරනු ලැබේ. උදාහරණයක් ලෙස ඔබ විසින් Facebook පිටුවක “like” ක්‍රියාකාරී යතුර හෝ Google+ පිටුවේ +1 ක්‍රියාකාරී යතුර භාවිතා කිරීම දැක්විය හැකිය. ඊට අමතරව, අපගේ වෙළඳ දැන්වීම් අදාළ වන්නේ ද සහ සාර්ථක වන්නේ ද යන්න මැනීම සඳහා, ඔබ පිළිබඳව සහ අපගේ වෙළඳ දැන්වීම් සමඟ අනෙකුත් ආගන්තුකයන්ගේ අන්තර්ක්‍රියා පිළිබඳ තොරතුරු අප වෙත ලැබේ. අප විසින් බද්ධව සේවා හෝ නිෂ්පාදන පිළිගන්වන විට, තෙවන පාර්ශ්වයකින් හෝ අප විසින් දරන පෞද්ගලික දත්ත පිළිබඳව යුනිලීවර් සමාගම වෙත සියුම් දැක්මක් ලබා දිය හැකි තෙවන පාර්ශ්වීය දත්ත අභිවෘද්ධ සේවා සපයන්නන්ගෙන් (වැඩි විස්තර දැන ගැනීමට, අපගේ  පෞද්ගලිකත්වය පිළිබඳ මූලික පාරිභාෂික පද/යෙදුම් බලන්න.) ඔබ පිළිබඳව සහ ඔබගේ ක්‍රියාකාරකම් පිළිබඳව තොරතුරු ද අප විසින් එකතු කරනු ලැබේ.

තිය, ජනවාර්ගිකත්වය, ආගම, සෞඛ්‍යය, ලිංගික හැඩගැස්ම, ජානමය දත්ත හෝ ජෛවමිතික දත්ත වැනි ඇතැම් පෞද්ගලික දත්ත ප්‍රභේද “පෞද්ගලික දත්තවල විශේෂ ප්‍රභේද” ලෙස වර්ගීකරණය කර ඇති අතර, (වැඩි විස්තර දැන ගැනීමට, අපගේ  පෞද්ගලිකත්වය පිළිබඳ මූලික පාරිභාෂික පද/යෙදුම් බලන්න.)  නීතිය යටතේ අමතර ආරක්ෂාවෙන් වාස් සැලසෙයි.

මෙම විශේෂ ප්‍රභේදවල පෞද්ගලික දත්ත එකතු කිරීම සහ සැකසීම කරන  අවස්ථා අප විසින් සීමා කරනු ලැබේ. 

නිදසුනක් වශයෙන් මනාව සකසා ගළපන ලද වෙළඳ දැන්වීම් සහ අදාළ වෙළඳ ප්‍රවර්ධනයන් ඔබ වෙත එවීම උදෙසා , අසාත්මිකතා, ගැබ් ගැනීම හෝ සමේ වර්ගය වැනි ඔබේ සෞඛ්‍යයට අදාළ දත්ත  ඇතැම්විට යුනිලීවර් සමාගම විසින් එකතු කරනු ලැබේ. යුනිලීවර් සමාගම විසින් මෙම පෞද්ගලික දත්ත සකසනු ලබන්නේ එසේ කිරීමට ඔබ විසින් අප වෙත කැමැත්ත ලබා දී ඇති විට පමණි. විශේෂ ප්‍රභේදවල පෞද්ගලික දත්ත එකතු කිරීමක් සෘජුවම සම්බන්ධ නොවන නමුත්, ඔබගේ ආගම, සෞඛ්‍යය හෝ වෙනත් විශේෂ ප්‍රභේදවල පෞද්ගලික දත්ත ඇඟවීමක් හෝ යෝජනා කිරීමක් සිදුවිය හැකි සේවාවන් හෝ නිෂ්පාදන සමහර අවස්ථාවල දී,  ඔබ විසින් ඉල්ලා සිටිය හැකිය.

අප විසින් විශේෂ ප්‍රභේදවල පෞද්ගලික දත්ත සැකසීම කරන්නේ එසේ කිරීම සඳහා අමතර කොන්දේසියක් සපුරාලීමට අපට හැකි වූ විට පමණි. ඒ අනුව, විශේෂ ප්‍රභේදවල පෞද්ගලික දත්ත සැකසීම සඳහා අපට පහත සඳහන් අතිරේක කොන්දේසිවලින් එකක් භාවිතා කළ හැකිය. එහි දී, කැමැත්ත වනාහී එසේ කිරීමට  සුදුසු පදනමක් නොවනු ඇත.  

• ඔබගේ හෝ වෙනත් ස්වාභාවික තැනැත්තෙකුගේ ජීවිතයට, සෞඛ්‍යයට හෝ ආරක්ෂාවට තර්ජනයක් වන හදිසි අවස්ථාවකට ප්‍රතිචාර දැක්වීම සඳහා දත්ත සැකසීමක් අවශ්‍ය වීම,

• ඔබ විසින් පැහැදිලිවම ප්‍රසිද්ධියට පත් කරන ලද පෞද්ගලික දත්තවලට දත්ත සැකසීමක් අදාළ වීම, 

• නීතිමය හිමිකම් ස්ථාපිත කිරීම, ක්‍රියාත්මක කිරීම හෝ ආරක්ෂා කිරීම සඳහා දත්ත සැකසීමක් අවශ්‍ය වීම, හෝ

• ​​ශ්‍රී ලංකාවේ අදාළ නීති හෝ රෙගුලාසි යටතේ දත්ත සැකසීමක් සදහා අන්‍යාකාරයකින් අවසර ලබාදීම, 

යුනිලීවර් සමාගමේ නිෂ්පාදන සහ සේවා භාවිතා කරන දරුවන්ගේ පෞද්ගලිකත්වය සහ ආරක්ෂාව සුරක්ෂිත කිරීම සඳහා අමතර පූර්වාරක්ෂාවන් ගැනීමේ වැදගත්කම අප විසින් වටහාගෙන තිබේ.

යුනිලීවර් සමාගමේ බොහෝ වෙබ් අඩවි වැඩිහිටියන් විසින් භාවිතා කිරීම සඳහා නිර්මාණය කිරීම සහ අපේක්ෂා කිරීම සිදුකර තිබේ. බාලවයස්කාරයින් විසින් අපගේ වෙබ් අඩවිවලින් කිසිවක් භාවිතා කිරීමට අදහස් කරන විට, වයස අවුරුදු දහඅටට (18) අඩු දරුවෙකු සම්බන්ධයෙන් වන විට, පෞද්ගලික දත්ත එකතු කිරීමට පෙර, ශ්‍රී ලංකාවේ අදාළ නීති සහ රෙගුලාසි මඟින් නියම කරන පරිදි, අප විසින් මාපියෙකුගෙන් හෝ මාපිය අධිකාරියක් ඇති හෝ නීතිමය භාරකරුවෙකු ලෙස පත්කර ඇති තැනැත්තෙකුගෙන් කැමැත්ත ගනු ලැබේ. (එවැනි කැමැත්තකට අදාළ  වන වයස් සීමාව රටින් රටට වෙනස් වේ.) 

ඔබ, මාපියෙකුගේ හෝ ඔබ කෙරෙහි මාපිය අධිකාරියක් ඇති තැනැත්තෙකුගේ හෝ ඔබේ නීත්‍යානුකූල භාරකරු ලෙස පත්කර ඇති තැනැත්තෙකුගේ අවසරය අවශ්‍ය වයසක සිටින දරුවෙකු නම්, මෙම පෞද්ගලිකත්වය පිළිබඳ  නිවේදනයේ නියමයන් තේරුම් ගෙන පිළිගන්නා බවට වගබලා ගැනීම සඳහා, ඔබ විසින් එවැනි තැනැත්තෙකු සමඟ එකී නියමයන් සමාලෝචනය කළ යුතුය. කැමැත්ත ලබාගත යුතු මාපියෙකුගේ හෝ ඔබ කෙරෙහි මාපිය අධිකාරියක් ඇති තැනැත්තෙකුගේ හෝ ඔබේ නීත්‍යානුකූල භාරකරු ලෙස පත්කර ඇති තැනැත්තෙකුගේ හෝ එවැනි කැමැත්තකින් තොරව අප විසින් දරුවෙකුගෙන් පෞද්ගලික දත්ත එකතු කර ඇති බව අප විසින්  අනාවරණය කරගනු ලැබුවහොත්, අප විසින් එම පෞද්ගලික දත්ත ප්‍රායෝගික වශයෙන් හැකි ඉක්මනින් මකා දමනු ලැබේ. යුනිලීවර් සමාගමේ වෙබ් අඩවිවල ඇතැම් කොටස් වෙත ප්‍රවේශය සහ/හෝ ත්‍යාග, සාම්පල හෝ වෙනත් තිළිණ ලබා ගැනීමට සුදුසුකම් සාමාන්‍යයෙන් නිශ්චිත වයසකට වැඩි පරිශීලකයින්ට  පමණක් සීමා වේ.

වයස නිශ්චිතව දැනගැනීමේ පරීක්ෂාවන් සිදුකිරීමට සහ එවැනි ඕනෑම වයස් සීමාවන් බලාත්මක කිරීමට අප විසින් ඇතැම් විට, ඔබේ පෞද්ගලික දත්ත භාවිතා කරනු ලැබේ. 

අප විසින් ඔබගේ පෞද්ගලික දත්ත යම් නිශ්චිත සහ සීමිත අරමුණු සඳහා පමණක් එකතු කිරීම, සැකසීම සහ හෙළිදරව් කිරීම සිදුකරනු ලැබේ. උදාහරණයක් ලෙස ඔබේ ගෙවීම් සැකසීමට, යම් පැමිණිල්ලක් ඇගයීමට සහ හැසිරවීමට, අපගේ නිෂ්පාදන, සේවා, සන්නිවේදන ක්‍රම සහ අපගේ වෙබ් අඩවිවල ක්‍රියාකාරිත්වය සංවර්ධනය කිරීමට සහ වැඩිදියුණු කිරීමට, පුද්ගලාරෝපිත නිෂ්පාදන, සන්නිවේදනයන් සහ ඉලක්කගත වෙළඳ දැන්වීම් සහ නිෂ්පාදන නිර්දේශ ඔබ වෙත ලබාදීමට යනාදිය දැක්විය හැකිය.

ඛාණ්ඩ ගොඩනැගීම (සමහරක් පොදු ලක්ෂණ ඇති කණ්ඩායම් නිර්මාණය කිරීමෙන්) සහ ඔබගේ පෞද්ගලික දත්ත එකක් හෝ ඊට වැඩි ගණනක ඛාණ්ඩවල තැබීමෙන්, ඔබගේ මාර්ගගත සැරිසැරීම, සෝදිසිය සහ මිලදී ගැනීම් හැසිරීම සහ අපගේ වෙළඳ සන්නාම  සන්නිවේදනයන් සම්බන්ධව ඔබගේ අන්තර් ක්‍රියා පිළිබඳ තොරතුරු විශ්ලේෂණය කිරීමෙන් අප විසින්  පුද්ගල පැතිකඩ දැක්වීම ද සිදුකරනු ලැබේ. 

ඊට අමතරව, යුනිලීවර් සමාගම විසින් ඔබේ පෞද්ගලික දත්ත, ස්වයංක්‍රීය ක්‍රම භාවිතා කරමින් ද සකසයි. ස්වයංක්‍රීය තීරණයක් යනු ඔබේ පෞද්ගලික දත්තවලට අදාළ තීරණ ගැනීමේ ක්‍රියාවලියට කිසිදු මානව මැදිහත්වීමක් නොමැතිව, ස්වයංක්‍රීය ක්‍රම මඟින් පමණක් ගනු ලබන තීරණයකි.

අප විසින් පහත සඳහන් කාර්යයන්/අරමුණු සඳහා ඔබගේ පෞද්ගලික දත්ත එකතු කිරීම, සැකසීම, සහ හෙළිදරව් කිරීම සිදුකරනු ලැබේ. එනම්: 

ඔබ විසින් අපගේ නිෂ්පාදන මිලදී ගන්නේ නම්, ඔබගේ ගෙවීම් සැකසුම්ට, ඔබගේ ඇණවුම් තත්ත්වය ඔබට සැපයීමට, ඔබගේ විමසීම් සහ ඉල්ලීම් සමඟ කටයුතු කිරීමට සහ ඕනෑම පැමිණිලි ඇගයීමට සහ හැසිරවීමට;

ඔබගේ විමසීම් සැකසීම සහ ඊට පිළිතුරු දීමට හෝ ඔබගේ ප්‍රශ්න සහ/හෝ ඉල්ලීම්වලට පිළිතුරු දීමට ඔබව සම්බන්ධ කර ගැනීමට; 

අපගේ නිෂ්පාදන, සේවා, සන්නිවේදන ක්‍රම සහ අපගේ වෙබ් අඩවිවල ක්‍රියාකාරීත්වය සංවර්ධනය කිරීමට සහ වැඩිදියුණු කිරීමට;

ඔබ ඇතුළත් වී ඇති තරග හෝ ප්‍රවර්ධන අරමුණු සඳහා; 

ඔබට තොරතුරු සන්නිවේදනය කිරීමට සහ අපගේ පුවත් ලිපියට හෝ වෙනත් සන්නිවේදනයන්ට ඔබගේ ලියාපදිංචිය සහ/හෝ දායකත්වය කළමනාකරණය කිරීමට;

අපගේ තරග, දිනුම් ඇදීම් හෝ ප්‍රවර්ධන ක්‍රියාකාරකම් හෝ ඉල්ලීම් සඳහා ඔබගේ සහභාගීත්වය සම්බන්ධයෙන් අපගේ එදිනෙදා ව්‍යාපාරික අවශ්‍යතා කළමනාකරණය කිරීමට; 

දුරකථනයෙන්, විද්‍යුත් මාධ්‍යයෙන් හෝ අන්‍යාකාරයකින් අප හා සම්බන්ධ වන පුද්ගලයින්ගේ අනන්‍යතාවය සත්‍යාපනය කිරීමට;

අභ්‍යන්තර පුහුණුව සහ තත්ත්ව සහතික කිරීමේ අරමුණු සඳහා; 

පාරිභෝගිකයින්ගේ අපේක්ෂාවන්, අවශ්‍යතා සහ වෙනස් වන වුවමනාවන් තේරුම් ගැනීමට සහ තක්සේරු කිරීමට, අපගේ වෙබ් අඩවිය, අපගේ වත්මන් නිෂ්පාදන සහ සේවා වැඩිදියුණු කිරීමට සහ/හෝ නව නිෂ්පාදන සහ සේවා සංවර්ධනය කිරීමට; සහ

ඔබ වෙත පුද්ගලාරෝපිත නිෂ්පාදන, සන්නිවේදනයන් සහ ඉලක්කගත වෙළඳ දැන්වීම් මෙන්ම නිෂ්පාදන නිර්දේශ සැපයීම; 

ඉහත සඳහන් කළ කාර්යය/අරමුණු සඳහා හෝ වෙනත් කාර්යය/අරමුණු සඳහා අප විසින් ඔබ වෙතින් ඔබගේ පෞද්ගලික දත්ත එකතු කරන විට, එවැනි එකතු කිරීමකට පෙර හෝ එම අවස්ථාවේ දී අප විසින් ඔබ වෙත දන්වනු ලැබේ.

පෞද්ගලික දත්ත සැකසීමට, අප විසින් සුදුසු අවස්ථාවල දී, ඔබගේ කැමැත්ත ඉල්ලා සිටිනු ලැබේ. දත්ත සැකසීමේ ක්‍රියාකාරකම් සඳහා ඔබ විසින් කැමැත්ත ලබා දී ඇති විටෙක, ඕනෑම වේලාවක ඔබගේ කැමැත්ත ඉල්ලා අස්කර ගැනීමට ඔබට අයිතියක් ඇත. 

ඔබගේ පෞද්ගලික දත්ත සැකසීම සඳහා (අපගේ හෝ තෙවන පාර්ශ්වයක) නීත්‍යානුකූල අපේක්ෂාව මත අප විසින් සමහර අවස්ථාවල දී, විශ්වාසය තබනු ලැබේ. උදාහරණයක් ලෙස, ඔබ විසින් අපගේ වෙළඳ සන්නාමවලින් එකක් සමඟ විශ්වාස (ලෝයල්ටි) යෝජනා ක්‍රමයක් සඳහා ඇතුළත් වන විට සහ අපගේ නිෂ්පාදන හෝ සේවාවන් වැඩිදියුණු කිරීම සඳහා දත්ත විශ්ලේෂණ සිදුකිරීම පිණිස එකතු කරන ලද පෞද්ගලික දත්ත අප විසින් භාවිතා කරන විට, නීත්‍යානුකූල අපේක්ෂාව පැවතිය හැකිය. නීත්‍යානුකූල අපේක්ෂාවක් සාක්ෂාත් කරගැනීමට අවශ්‍ය වන විට පමණක් මෙම පදනම භාවිතා කරනු ඇත. උදාහරණයක් ලෙස සේවාවක් ප්‍රශස්ත කිරීම සඳහා වන අතර, එය, පුද්ගලයෙකු ලෙස ඔබගේ අයිතිවාසිකම් ඉක්මවා නොයයි. නීත්‍යානුකූල අපේක්ෂාව, ඔබගේ පෞද්ගලික දත්ත සැකසීම සඳහා පදනමක් ලෙස භාවිතා කරන්නේ නම්, අප විසින් මේ පිළිබඳ වාර්තාවක් තබා ගන්නා බවත්, මෙම තොරතුරු ඉල්ලා සිටීමට ඔබට අයිතියක් ඇති බවත් අප විසින් සහතික විය හැකිය.

ඔබ පාර්ශ්වකරුවෙකු වන ගිවිසුමක් ඉටුකිරීමට හෝ ඔබ සමඟ ගිවිසුමකට එළඹීමට පෙර ඔබගේ ඉල්ලීම පරිදි පියවර ගැනීමට අප විසින් ඔබගේ පෞද්ගලික දත්ත සකස් කරනු ලැබේ. උදාහරණයක් ලෙස, ඔබ විසින් මිලදී ගත් නිෂ්පාදනයක් හෝ සේවාවක් භාරදීම සඳහා ඔබගේ පෞද්ගලික දත්ත සැකසුම්ට අපට අවශ්‍ය වේ. 

එවැනි දත්ත සැකසීමක් ශ්‍රී ලංකා නීතියට අනුව සිදුකිරීමට අප වෙත නීත්‍යානුකූල බැඳීමක් (උදා: බදු හෝ සමාජ ආරක්ෂණ බැඳීම්) ඇති විටෙක දී,  අප විසින් ඔබගේ පෞද්ගලික දත්ත සකස් කරනු ලැබේ. උදාහරණයක් ලෙස යම් විශේෂිත කාර්යයක්/අරමුණක් සඳහා පෞද්ගලික දත්ත සැකසීමට අධිකරණ නියෝගයක් හෝ සිතාසියක් මඟින් අප වෙත නියම කිරීම සිදුකළ හැකිය. නැතහොත් දේශීය මුදල් විශුද්ධිකරණය රීති යටතේ සැකසහිත ගනුදෙනු වාර්තා කිරීම සඳහා පෞද්ගලික දත්ත සකස් කිරීමට අප වෙත බල කළ හැකිය.

සමහර අවස්ථාවල දී, ඔබගේ හෝ වෙනත් තැනැත්තෙකුගේ ජීවිතයට, සෞඛ්‍යයට හෝ ආරක්ෂාවට තර්ජනයක් වන හදිසි අවස්ථාවකට ප්‍රතිචාර දැක්වීම සඳහා අපට ඔබගේ පෞද්ගලික දත්ත සැකසීමට සිදු විය හැකිය. 

මහජන යහපත සඳහා සිදුකරනු ලබන කාර්යයක් ඉටුකිරීම පිණිස අවශ්‍ය වන විටෙක දී ද  අප විසින් ඔබගේ පෞද්ගලික දත්ත ද සකස් කරනු ලැබේ.

පුද්ගල පැතිකඩ දැක්වීමක් ගොඩනැගීම සඳහා යුනිලීවර් සමාගම විසින් ඔබගේ පෞද්ගලික දත්ත භාවිතා කරනු ලැබේ. ඛාණ්ඩ ගොඩනැගීම (සමහරක් පොදු ලක්ෂණ ඇති කණ්ඩායම් නිර්මාණය කිරීමෙන්) සහ ඔබගේ පෞද්ගලික දත්ත එකක් හෝ ඊට වැඩි ගණනක් ඛාණ්ඩවල තැබීමෙන්, ඔබගේ මාර්ගගත සැරිසැරීම, සෝදිසිය සහ මිලදී ගැනීම් හැසිරීම සහ අපගේ වෙළඳ සන්නාම  සන්නිවේදනයන් සම්බන්ධව ඔබගේ අන්තර් ක්‍රියා පිළිබඳ තොරතුරු විශ්ලේෂණය කිරීමෙන් අප විසින්  පුද්ගල පැතිකඩ දැක්වීම් නිර්මාණය කරනු ලැබේ. මෙම ඛාණ්ඩ, ඔබ වෙත වෙබ් අඩවිය සහ අපගේ සන්නිවේදනයන් පුද්ගලාරෝපිත කිරීමට (ඔබ විසින් අපගේ වෙබ් අඩවියට පිවිසෙන විට අදාළ අන්තර්ගතය හෝ පුවත් ලිපියක් ඔබට පෙන්වීම වැනි,) සහ යුනිලීවර් සමාගමේ වෙබ් අඩවිවල සහ තෙවන පාර්ශ්වීය වෙබ් අඩවි හරහා යුනිලීවර් වෙළඳ සන්නාමවලින් අදාළ පිළිගැන්වීම් සහ වෙළඳ දැන්වීම් ප්‍රදර්ශනය කිරීමට යුනිලීවර් සමාගම විසින් භාවිතා කරනු ලැබේ. තව ද, මෙම ඛාණ්ඩ,  යුනිලීවර් වෙබ් අඩවිවල තෙවන පාර්ශ්වීය ව්‍යාපාර සඳහා  භාවිතා කළ හැකිය. ඔබගේ දත්තවල පුද්ගල පැතිකඩ දැක්වීම පිණිස තීරණය කරමින් ඔබ විසින් අප වෙත කැමැත්ත ලබා දී ඇත්නම්, යුනිලීවර් සමාගම විසින් දත්තවල පුද්ගල පැතිකඩ දැක්වීම සිදුකරනු ලැබේ. උදාහරණයක් ලෙස, ඔබේ බ්‍රව්සරයේ මාර්ගගතව කුකීස් සැකසුම් පිළිගැනීම හෝ අපගේ වෙළඳ සන්නාමවලින් එක් සන්නාමයකින් විද්‍යුත් තැපැල් පුවත්ලිපි  සඳහා ඇතුළත්වීම දැක්විය හැකිය. 

අපගේ කුකීස් නිවේදනයේ කුකීස් කළමනාකරණය කිරීමේ කොටස භාවිතා කිරීමෙන් හෝ ඔබ විසින් අපගේ වෙබ් අඩවියකට පිවිසී ඇත්නම් හෝ ඕනෑම අලෙවිකරණ පුවත් ලිපියක් සඳහා ඇතුළත් වී ඇත්නම්, ඔබගේ විද්‍යුත් තැපැල් ලිපිනය භාවිතා කර ඉවත් වීමෙන් ඕනෑම අවස්ථාවක ඔබගේ පෞද්ගලික දත්ත මේ ආකාරයෙන් භාවිතා කිරීම වැළැක්වීම සඳහා ඔබට ඔබගේ කැමැත්ත ඉල්ලා අස්කර ගත හැකිය. 

උදාහරණයක් ලෙස -

යුනිලීවර් සමාගම විසින් ඔබගේ කැමැත්ත ඇතිව පෞද්ගලික දත්ත පහත අන්දමින් එකතු කරනු ලැබේ. 

ඔබ විසින් නරඹන දේ සහ ඔබ අපගේ අන්තර්ගතය සමඟ අන්තර් ක්‍රියාකරන ආකාරය පිළිබඳ අපගේ වෙබ් අඩවි;

සමාජ වේදිකාවල සහ අනෙකුත් ප්‍රකාශකයින්ගේ වෙබ් අඩවිවල අප විසින් ඔබට සේවය සලසන අපගේ ඩිජිටල් ප්‍රදර්ශක වෙළඳ දැන්වීම්; සහ 

ඔබ මාර්ගගතව හෝ අන්‍යාකාරයකින් සම්පූර්ණ කර, ඔබේ අපේක්ෂාවන් මොනවාද යන්න පිළිබඳව අපට එවන ආකෘති පත්‍රය;

ඔබ විසින් අපගේ ප්‍රදර්ශක වෙළඳ දැන්වීම්වලින් එකක් මත ක්ලික් කර, අපගේ සිල්ලර වෙළඳ හවුල්කරුවන්ගෙන් තෝරාගත් දෙයක් මිලදී ගැනීමට යන විට, ඔබ විසින් මිලදී ගන්නා නිෂ්පාදන ද අප විසින් ලුහුබැඳීම/හඹායාම සිදුකරනු ලැබේ. 

ඔබ විසින් අපගෙන් ඊමේල් හෝ කෙටි පණිවුඩ සන්නිවේදනයන් ලබාගැනීමට ඉල්ලා ඇත්නම්, ඔබ කැමති දේ බැලීමට ඔබ එම අන්තර්ගතය විවෘත කරන්නේ ද, කියවන්නේ ද නැතහොත් ක්ලික් කරන්නේ ද යන්න අප විසින් ලුහුබැඳීම/හඹායාම සිදුකරනු ලැබේ. එවිට, ඔබට භුක්ති විඳීමට වැඩි ඉඩක් ඇතැයි අපි නිගමනය කරන තවත් අන්තර්ගතයන් ඔබ වෙත ලබාදීමට අපට හැකිය.

ඔබගේ කැමැත්ත සහ අකමැත්ත පිළිබඳ පුද්ගල පැතිකඩ දැක්වීම පිණිස අප විසින් මෙම දත්ත භාවිතා කරනු ලැබේ. 

මෙම පුද්ගල පැතිකඩ දැක්වීමේ තොරතුරු මත පදනම්ව, ඔබ විසින් අප වෙතින් හෝ  අප වෙළඳ දැන්වීම් ප්‍රචාරය කරන අපගේ ප්‍රකාශකයින්ගේ ජාලය වෙතින් නරඹන පරිදි,  ඔබ කැමැත්ත දක්වන බවට සහ  බැලීමට අවශ්‍ය බවට අප නිගමනය කරන වෙළඳ දැන්වීම්, අප විසින් ඔබට ලබා දිය හැකිය. (එසේ කරන ලෙස ඔබ විසින් අපෙන් ඉල්ලා ඇත්නම්,) සමහර විට, ඔබගේ කැමැත්ත ඇතිව, ඔබ විසින් උනන්දුවක් දක්වනු ඇතැයි අප සිතන ප්‍රවර්ධන හෝ අවට සිදුවන සිදුවීම් සම්බන්ධයෙන් ඔබට වෙළඳ දැන්වීම් සැපයීමට අප විසින් ඔබගේ වත්මන් සිටින ස්ථානය භාවිතා කළ හැකිය.

ඔබ විසින් තෝරාගත් තෙවන පාර්ශ්වයන්ට සපයා දී ඇති සහ හුවමාරු කරගැනීමට කැමැත්ත පළකර ඇති ඔබගේ වයස, ලිංගිකත්වය, ජීවන අවධිය, ජීවන රටාව සහ පුළුල් රුචිකත්වයන් වැනි තොරතුරු, ඔබට සමාන රුචිකත්වයක් ඇතැයි අප සිතන සහ සමාන වෙළඳ දැන්වීම් කෙරෙහි උනන්දුවක් දක්වනු ඇතැයි අප විශ්වාස කරන පුද්ගලයින් හඳුනා ගැනීමට ද අප විසින් භාවිතා කළ හැකිය. 

• සමහර අවස්ථාවල දී, යුනිලීවර් සමාගම විසින් ඔබගේ පෞද්ගලික දත්ත ස්වයංක්‍රීය ක්‍රම භාවිතයෙන් සැකසීම සිදුකරනු ලැබේ. ස්වයංක්‍රීය තීරණයක් යනු ඔබගේ පෞද්ගලික දත්තවලට අදාළ තීරණ ගැනීමේ ක්‍රියාවලියට කිසිදු මානව මැදිහත්වීමක් නොවන ස්වයංක්‍රීය ක්‍රම මඟින් පමණක් ගනු ලබන තීරණයකි.
• අප සාමාන්‍යයෙන් ස්වයංක්‍රීය ක්‍රම මත පමණක් පදනම්ව තීරණ ගැනීමක් සිදුකරනු නොලැබේ. අප විසින් එසේ කරන්නේ නම්, අපගේ තීරණය ගැනීමට ස්වයංක්‍රීය දත්ත සැකසීම මත පමණක් විශ්වාසය තැබීමට පාදක වන අපගේ තීරණය සහ එසේ කිරීමට පාදක වන අපගේ නීත්‍යානුකූල පදනම පිළිබඳව අප විසින්  ඔබට දැනුම් දෙන අතර  පැහැදිලි තොරතුරු ඔබ වෙත සපයනු ලැබේ.
• තනිකරම ස්වයංක්‍රීය දත්ත සැකසීමක්  මත ගත් තීරණ, ශ්‍රී ලංකාවේ යම් ලිඛිත නීතියක් යටතේ ආරක්ෂා කර ඇති ඔබගේ අයිතිවාසිකම් සහ නිදහසට අප්‍රතිවර්තනීය සහ අඛණ්ඩ බලපෑමක් ඇතිකරන හෝ ඇතිකිරීමට තුඩුදෙන විට, එවැනි ඕනෑම ස්වයංක්‍රීය දත්ත සැකසීමක්  මත ගත් ස්වයංක්‍රීය තීරණයක් සමාලෝචනය කරන ලෙස ඉල්ලා සිටීමට ඔබට අයිතියක් ඇත. 
• කෙසේ වෙතත්, ඔබ සමඟ ගිවිසුමකට එළඹීමට හෝ එය ඉටුකිරීමට ස්වයංක්‍රීය දත්ත සැකසීමක් අවශ්‍ය වේ නම් හෝ ඔබ විසින් ඔබේ කැමැත්ත ලබා දී ඇති විටෙක හෝ අප යටත් වන ශ්‍රී ලංකාවේ ලිඛිත නීතියකින් අවසර දී ඇති විටෙක හෝ ශ්‍රී ලංකාවේ දත්ත ආරක්ෂණ අධිකාරිය විසින් එවැනි දත්ත සැකසීමක් සඳහා අවසර දී ඇති විටෙක, ස්වයංක්‍රීය දත්ත සැකසීමක් මත පමණක් පදනම්ව ගත් තීරණයක් සමාලෝචනය කරන ලෙස අපෙන් ඉල්ලා සිටීමේ  ඉහත සඳහන් අයිතිය තවදුරටත්නොපවතියි.

ගෝලීය ව්‍යාපාරයක් වන යුනිලීවර් සමූහයේ කොටසක් ලෙස, සීමාසහිත යුනිලීවර් ශ්‍රී ලංකා සමාගම විසින් ඔබගේ පෞද්ගලික දත්ත යුනිලීවර් සමාගම් සමූහය තුළ සහ තෝරාගත් තෙවන පාර්ශ්වයන් සමඟ පහත සඳහන් තත්වයන් යටතේ හුවමාරු කරගැනීම  සිදුකරනු ලැබේ:

තෙවන පාර්ශ්වීය සේවා සපයන්නන්. ඔබගේ ඉල්ලීම් ඉටුකිරීමට, ඔබගේ විමසීම්වලට ප්‍රතිචාර දැක්වීමට, ඔබගේ ඇණවුම් සපුරාලීමට, කූපන් පත්‍ර පිළිගැනීමට, ඔබට සාම්පල ලබාදීමට, ඔබට දිනුම් ඇදීම්වලට සහභාගී වීමට හෝ අපගේ වෙබ් අඩවි හරහා ඔබට ලබාගත හැකි වෙනත් විවිධ විශේෂාංග, සේවා සහ ද්‍රව්‍ය ලබාදීමට, අප විසින් ඔබේ පෞද්ගලික දත්ත අප වෙනුවෙන් කාර්යයන් ඉටුකරන තෙවන පාර්ශ්වීය සේවා සපයන්නන් වන, යුනිලීවර් වෙබ් අඩවි සත්කාරකත්වය දරන හෝ ක්‍රියාත්මක කරන, ගෙවීම් සැකසීම කරන, දත්ත විශ්ලේෂණය කරන, පාරිභෝගික සේවා සපයන, තැපැල් හෝ බෙදාහැරීමේ සේවා සපයන සහ අනුග්‍රාහකයින් හෝ අපගේ ප්‍රවර්ධනවලට සහභාගී වන හෝ පරිපාලනය කරන වෙනත් තෙවන පාර්ශ්වයන් වන සමාගම් සමඟ හුවමාරු කරගනු ලැබේ. ඔවුන්ගේ කාර්යයන් ඉටුකිරීමට අවශ්‍ය පෞද්ගලික දත්ත වෙත ප්‍රවේශය ඔවුන්ට ඇති නමුත්, වෙනත් අරමුණු සඳහා එය භාවිතා නොකළ යුතුය. තව ද, ඔවුන් මෙම පෞද්ගලික දත්ත, මෙම පෞද්ගලිකත්වය පිළිබඳ නිවේදනයට අනුකූලව සුදුසු ආරක්ෂණ ක්‍රමවේදයන්ට යටත්ව සහ  සංශෝධනය කළ හැකි හෝ ප්‍රතිස්ථාපනය කළ හැකි   ශ්‍රී ලංකාවේ 2022 අංක 9 දරන පෞද්ගලික දත්ත ආරක්ෂණ පනත (“PDPA”) මඟින් අවසර දී ඇති පරිදි පමණක් සැකසීම කළ  යුතුය. 

අනෙකුත් තෙවන පාර්ශවයන්. අලෙවිකරණය, ප්‍රවර්ධන, දත්ත සංවර්ධනය (අපගේ පෞද්ගලිකත්වය පිළිබඳ පාරිභාෂික පද/යෙදුම් පිළිබඳ වැඩි විස්තර සඳහා අදාළ සබැඳිය අනුගමනය කරන්න.) සහ අනෙකුත් පිළිගැන්වීම් මෙන්ම නිෂ්පාදන තොරතුරු සම්බන්ධයෙන් ඔබගේ පෞද්ගලික දත්ත අප විසින් භාවිතා කිරීම හෝ අපගේ අනුග්‍රාහකයින්, වෙළඳ දැන්වීම්කරුවන්, වෙළඳ දැන්වීම් ජාල, වෙළඳ දැන්වීම් අනුග්‍රාහක පරිගණක, සමාජ මාධ්‍ය ජාල සහ විශ්ලේෂණ සමාගම් හෝ වෙනත් තෙවන පාර්ශ්වයන් සමඟ හුවමාරු කරගැනීම සිදුකරනු ලැබේ.

ව්‍යාපාර පැවරීම්. ඔබගේ පෞද්ගලික දත්ත, ප්‍රධාන වශයෙන්ම ව්‍යාපාර සහ මෙහෙයුම් කාර්යයන්/අරමුණු සඳහා අප විසින් භාවිතා කිරීම හෝ යුනිලීවර් සමාගම් සමූහය සමඟ හුවමාරු කරගැනීම සිදුකරනු ලැබේ. යුනිලීවර් සමාගම් සමූහය විසින් ව්‍යාපාර සංවර්ධනය කිරීම දිගටම කරගෙන යන බැවින්, වත්කම්, පාලිත සමාගම් හෝ ව්‍යාපාර ඒකක විකිණීමට හෝ මිලදී ගැනීමට එයට හැකිය. එවැනි ගනුදෙනුවල දී, ඔබගේ පෞද්ගලික දත්ත සාමාන්‍යයෙන් පැවරීම කරන ලද  ව්‍යාපාර වත්කම්වලින් එකක් වන නමුත්, පෙර පැවති ඕනෑම පෞද්ගලිකත්වය පිළිබඳ නිවේදනයක දී කරන ලද  පොරොන්දුවලට යටත් වේ. (ඇත්ත වශයෙන්ම, ඔබ අන්‍යාකාරයකින් එකඟ නොවන්නේ නම්,) වෙනත් ව්‍යාපාර ආයතනයක් විසින් අපව, අපගේ ව්‍යාපාර හෝ අපගේ වත්කම්වලින් හෝ  යුනිලීවර් සමාගමේ වෙබ් අඩවිය හා සම්බන්ධ වත්කම්වලින්  සැලකිය යුතු ලෙස සියල්ලම හෝ කොටසක් අත්කර ගන්නේ නම්, ඔබේ පෞද්ගලික දත්ත,  නිසි උද්යොගි ක්‍රියාවලියේ කොටසක් ලෙස, එවැනි ව්‍යාපාර ආයතනයකට හෙළි කරනු ලබන අතර, පැවරීම කරන ලද  වත්කම්වලින් එකක් ලෙස එවැනි ව්‍යාපාර ආයතනයකට පැවරීම කරනු ලැබේ. තව ද, කිසියම් බංකොලොත්භාවයක් හෝ ප්‍රතිසංවිධානයක් පිළිබඳ නඩුකටයුත්තක් අප විසින් හෝ අපට එරෙහිව ගෙන එනු ලැබුවහොත්, එවැනි සියළු පෞද්ගලික දත්ත අපගේ වත්කමක් ලෙස සලකනු ලබන අතර, එම නිසා ඒවා තෙවන පාර්ශ්වයන්ට විකිණීමට හෝ පැවරීමට ඉඩ ඇත. 

නීතිමය හෙළිදරව් කිරීම. අප විසින් ඔබගේ පෞද්ගලික දත්ත :

ශ්‍රී ලංකා නීතියට අනුව නෛතික  බැඳීමකට අනුකූල වීමට; 

අදාළ නීතියකින් ඒ බව නියම කර තිබෙන බවට අප සද්භාවයෙන් යුක්තව විශ්වාස කරන විට;

විමර්ශනයක් පැවැත්වීමට  රජයේ බලධාරීන්ගේ ඉල්ලීමක් කරන විට; 

අපගේ “පරිශීලක නියමයන්” හෝ වෙනත් අදාළ ප්‍රතිපත්ති සත්‍යාපනය කිරීමට හෝ බලාත්මක කිරීමට;

වංචාව හෝ ඕනෑම තාක්ෂණික හෝ ආරක්ෂක අවදානම් හඳුනා ගැනීමට සහ ආරක්ෂා කිරීමට; 

හදිසි අවස්ථාවකට හෝ අන්‍යාකාරයකින් ප්‍රතිචාර දැක්වීමට; 

තෙවන පාර්ශවයන්ගේ, යුනිලීවර් සමාගමේ වෙබ් අඩවි ආගන්තුකයන්, යුනිලීවර් සමාගම හෝ මහජනයාගේ අයිතිවාසිකම්, දේපළ, සුරක්ෂිතතාව හෝ ආරක්ෂාව සුරක්ෂිත කිරීමට. 

තෙවන පාර්ශ්වයන් වෙත පැවරීම සහ හෙළිදරව් කිරීම සිදුකළ හැකිය:

යුනිලීවර් සමාගම විසින් මෙම පෞද්ගලිකත්වය පිළිබඳ  නිවේදනයේ විස්තර කර ඇති අරමුණු සඳහා, යුනිලීවර් සමාගම් සමූහය තුළ හෝ තෙවන පාර්ශ්වයන් සමඟ පෞද්ගලික දත්ත හුවමාරු කරගැනීම සිදුකරනු ලැබේ.

යුනිලීවර් සමාගම විසින් ඔබගේ පෞද්ගලික දත්ත ශ්‍රී ලංකාවෙන් පිටත ඕනෑම රටකට යැවීම සිදුකළ හැකි වනුයේ (i) ඔබගේ පෞද්ගලික දත්ත එපරිදි එවැනි රටකට පැවරීම නොසලකා, පෞද්ගලික දත්ත ආරක්ෂණ පනත (PDPA)  යටතේ අපගේ අනිවාර්ය බැඳීම්වලට අනුකූල වීමට අපට හැකියාව ඇති බව, සහ (ii) ශ්‍රී ලංකාවේ දත්ත ආරක්ෂණ අධිකාරිය විසින් නියම කළ හැකි සුදුසු සාධන පත්‍රයක් එවැනි රටක දත්ත ප්‍රතිග්‍රාහකයා සමඟ ලියා අත්සන් කර ගැනීමෙන් පසුව පමණක් හෝ පෞද්ගලික දත්ත ආරක්ෂණ පනත (PDPA)  මඟින් අන්‍යාකාරයකින් අවසර දී ඇති පරිදි පමණක් බවට අප විසින් සෑහීමකට පත්වන්නේ නම් පමණි. 

යුනිලීවර් සමාගම විසින් ඔබගේ පෞද්ගලික දත්තවල ආරක්ෂාව ඉතා බැරෑරුම් ලෙස සැලකිල්ලට ලක්කරනු ලැබේ. ඔබගේ පෞද්ගලික දත්ත, අනිසි ලෙස භාවිතා කිරීම, මැදිහත්වීම්, නැතිවීම, අනවසර ප්‍රවේශය, වෙනස් කිරීම හෝ හෙළිදරව් කිරීම් ආදියෙන් ආරක්ෂා කිරීමට අප විසින් සෑම උත්සාහයක්ම ගනු ලැබේ.

මේ සඳහා අපගේ පියවරවලට සුදුසු ප්‍රවේශ පාලනයන් ක්‍රියාත්මක කිරීම, අප විසින් භාවිතා කරන තොරතුරු තාක්ෂණ පරිසරයන් ආරක්ෂා කිරීම සඳහා සුදුසු තොරතුරු ආරක්ෂණ හැකියාවන් සඳහා ආයෝජනය කිරීම සහ හැකි සෑම විටම පෞද්ගලික දත්ත කේතකරණය, ව්‍යාජ නාමකරණය සහ හඳුනාගැනීමේ ලක්ෂණ ඉවත් කිරීම  සහතික කිරීම ඇතුළත් වේ. 

ඔබගේ පෞද්ගලික දත්ත වෙත ප්‍රවේශය, අපගේ සේවකයින් අතර හුදෙක් දැනගත යුතු පදනමක් මත පමණක් අවසර දෙනු ලබන අතර, තෙවන පාර්ශ්වයන් විසින් දත්ත සකසන විට දැඩි ගිවිසුම්ගත රහස්‍යතා බැඳීම්වලට යටත් කරනු ලැබේ.

ඔබගේ පෞද්ගලික දත්ත එය සකසන අරමුණ සඳහා අපට අවශ්‍ය වන තාක් කල් අප විසින් තබා ගනු ලැබේ. උදාහරණයක් ලෙස, ඔබ විසින් අප සමඟ මාර්ගගතව මිලදී ගැනීමක් කරන විට, ඔබ විසින් ඇතිකරගෙන කර ඇති නිශ්චිත ගිවිසුම අප විසින් ඉටු කළ හැකි වන පරිදි, අප විසින් ඔබගේ මිලදී ගැනීමට අදාළ දත්ත තබා ගන්නා අතර, ඉන්පසුව, එකී මිලදී ගැනීමට අදාළ ඕනෑම පැමිණිලි, විමසීම්, ගැටළු, ක්‍රියාමාර්ග හෝ නඩුකර යනාදියට ප්‍රතිචාර දැක්වීමට අපට හැකි වන කාලයක් සඳහා අප විසින් අදාළ පෞද්ගලික දත්ත තබාගනු ලැබේ.

ඔබගේ අත්දැකීම් අප සමඟ තවදුරටත් වැඩිදියුණු කිරීමට සහ ඔබට ලැබිය යුතු යම් කවරම වූ loyalty ප්‍රදාන (loyalty rewards) ඔබට ලැබෙන බව සහතික කිරීමට ද ඔබගේ පෞද්ගලික දත්ත තවදුරටත් රඳවා තබාගැනීම සිදුකළ හැකිය. 

ඉලක්කගත අරමුණු සඳහා අප විසින් සෘජුවම එකතු කරගත් හඳුනාගත හැකි දත්ත, හැකිතාක් කෙටි කාලයක් සඳහා අප විසින් රඳවා තබාගැනීම සිදුකර, ඉන්පසුව,  අප විසින් එය ස්ථිරවම මකා දැමීමට පියවර ගනු ලැබේ.

අප විසින් දරාසිටින පෞද්ගලික දත්ත ක්‍රියාකාරීව සමාලෝචනය කර, ආරක්ෂිතව මකා දැමීම හෝ නැතහොත් සමහර අවස්ථාවල, ඒවා තවදුරටත් රඳවා තබාගැනීමට නීතිමය, ව්‍යාපාරික හෝ පාරිභෝගික අවශ්‍යතාවයක් නොමැති විට,  ඒවා හදුනාගත හැකි ලක්ෂණවලින් වියුක්ත කරනු ලැබේ. 

අප විසින් ඔබගේ පෞද්ගලික දත්ත සකසන විට, දත්ත සකසන ආකාරය සම්බන්ධයෙන් ඔබට අයිතිවාසිකම් ගණනාවක් ඇති අතර, ඕනෑම අවස්ථාවක මෙම අයිතිවාසිකම් ක්‍රියාත්මක කිරීම කළ හැකිය. මෙම අයිතිවාසිකම් පිළිබඳ දළ විශ්ලේෂණයක් සහ මෙයින් ඔබ වෙත සඳහන් කරන්නේ කුමක් ද යන්න අප විසින් පහතින් දක්වා ඇත. 

දැනුවත් වීමේ අයිතිය. අප විසින් ඔබගේ පෞද්ගලික දත්ත භාවිතා කරන ආකාරය සහ ඔබගේ අයිතිවාසිකම් පිළිබඳව පැහැදිලි, විනිවිද පෙනෙන හා පහසුවෙන් තේරුම් ගත හැකි තොරතුරු ඔබ වෙත ලබා ගැනීමට ඔබට අයිතියක් ඇත. එබැවින්, මෙම නිවේදනයේ ඇති තොරතුරු අප විසින් ඔබ වෙත සපයනු ලැබේ. 

ප්‍රවේශ වීමට, නිවැරදි කිරීමට සහ සම්පූර්ණ කිරීමට ඇති අයිතිය.  ඔබගේ පෞද්ගලික දත්ත වෙත ප්‍රවේශ වීමට, නිවැරදි කිරීමට හෝ සම්පූර්ණ කිරීමට ඕනෑම වේලාවක ඔබට අයිතියක් ඇත. 

මකා දැමීමේ අයිතිය. ඇතැම් තත්වයන් යටතේ, ඔබගේ දත්ත මකා දැමීම කරන ලෙසට අපෙන් ඉල්ලා සිටීමට ඔබට අයිතියක් ඇත. ඔබ පිළිබඳව අප සතුව ඇති පෞද්ගලික දත්ත මකා දැමීමට ඔබ කැමති නම්, කරුණාකර අපට දන්වන්න. එවිට නීතිමය අවශ්‍යතාවලට අනුකූලව ඔබගේ ඉල්ලීමට ප්‍රතිචාර දැක්වීම සඳහා අප විසින් සාධාරණ පියවර ගනු ලැබේ. අප එකතු කරගත් පෞද්ගලික දත්ත තවදුරටත් කිසිදු අරමුණක් සඳහා අවශ්‍ය නොවේ නම්, සහ එය තවදුරටත් රඳවා තබාගැනීමට නීතියෙන් අප වෙත නියම කර නොතිබේ නම්, එය මකා දැමීමට, විනාශ කිරීමට හෝ ස්ථිරවම හඳුනාගැනීම ඉවත් කිරීමට අපට හැකි අයුරින් අප විසින් කටයුතු කරනු ලැබේ. 

සැකසීම සීමා කිරීමේ අයිතිය.ඔබගේ පෞද්ගලික දත්ත ශ්‍රී ලංකා නීතිය යටතේ සාක්ෂි අරමුණු සඳහා තබාගැනීම කරන ලෙස අප වෙත නියම කරන අවස්ථාවක හෝ දත්ත නිවැරදි කිරීම සඳහා ඔබ විසින් ඉල්ලීමක් ඉදිරිපත් කරනු ලැබුව ද, එය නොතකා, නිසි අධිකරණයක නියෝගයක් මත එකී දත්ත නිවැරදි කිරීමකින් තොරව පවත්වාගෙන යාමට අප වෙත නියම කරන අවස්ථාව, යම් යම් සීමිත තත්වයන් යටතේ, ඔබගේ පෞද්ගලික දත්ත සැකසීම සීමා කරගැනීමට ඔබට අයිතියක් ඇත.    

විරෝධය දැක්වීමේ අයිතිය. යම් යම් තත්වයන් යටතේ, පෞද්ගලික දත්ත තවදුරටත් සැකසීමට විරෝධය දැක්වීමේ අයිතිය ඔබට ඇත. 

 

අධීක්ෂණ අධිකාරියකට පැමිණිල්ලක් ඉදිරිපත් කිරීමේ අයිතිය. අප විසින් ඔබගේ පෞද්ගලික දත්ත සකසන ආකාරය පිළිබඳව ශ්‍රී ලංකා දත්ත ආරක්ෂණ අධිකාරියට සෘජුවම පැමිණිල්ලක් ඉදිරිපත් කිරීමට ඔබට අයිතියක් ඇත. 

 

කැමැත්ත ඉල්ලා අස්කර ගැනීමේ අයිතිය. ඔබගේ පෞද්ගලික දත්ත සමඟ අප විසින් කරන ඕනෑම දෙයකට ඔබ ඔබේ කැමැත්ත ලබා දී ඇත්නම්, (එනම්, ඔබගේ පෞද්ගලික දත්ත සැකසීම සඳහා අප විසින් නීත්‍යානුකූල පදනමක් ලෙස කැමැත්ත මත රඳා සිටින විටක,) ඔබට ඕනෑම වේලාවක ඔබේ කැමැත්ත ඉල්ලා අස්කර ගැනීමට අයිතියක් ඇත. (කෙසේ වෙතත්, ඔබ එසේ කරන්නේ නම්, ඒ දක්වා ඔබගේ කැමැත්ත ඇතිව ඔබගේ පෞද්ගලික දත්ත සමඟ අප විසින් කර ඇති කිසිවක් නීති විරෝධී බව එයින් අදහස් නොවේ.) ඔබගේ පෞද්ගලික දත්ත සැකසීමට ලබාදෙන ඔබේ කැමැත්ත ඔබ විසින් ඕනෑම වේලාවක ඉල්ලා අස්කර ගත හැකිය. 

 

ස්වයංක්‍රීය තීරණ ගැනීම සම්බන්ධ අයිතිවාසිකම්ඇතැම් තත්වයන් යටතේ, අප විසින් ගන්නා ලද යම් තිරණයක තනිකරම ස්වයංක්‍රීය දත්ත සැකසීම මත පමණක් පදනම් වන විටෙක සහ එවැනි තිරණයක් ශ්‍රී ලංකාවේ යම් ලිඛිත නීතියක් යටතේ ඔබගේ අයිතිවාසිකම් සහ නිදහසට අප්‍රතිවර්තනීය සහ අඛණ්ඩ බලපෑමක් ඇතිකරන හෝ ඇතිකිරීමට තුඩුදෙන විට, එවැනි ඕනෑම ස්වයංක්‍රීය තීරණයක් සමාලෝචනය කරන ලෙස ඉල්ලා සිටීමට ද ඔබට අයිතියක් ඇත.  

විද්‍යුත් තැපෑල් ලිපිනය වන  consumercare.usl@unilever.com වෙත විද්‍යුත් තැපෑලක් එවීමෙන් හෝ අපගේ වෙබ් අඩවිවල “අප අමතන්න”  (Contact Us) ආකෘතිය හරහා ඉල්ලීමක් ඉදිරිපත් කිරීමෙන් ඔබට ඔබගේ  අයිතිවාසිකම් ක්‍රියාත්මක කළ හැකිය.

ඔබ විසින් එවැනි ඉල්ලීමක් ඉදිරිපත් කරන ලද අවස්ථාවක, එවැනි ඉල්ලීමක් ලද දිනයේ සිට මාස එකක් (1) ඇතුළත අප විසින්  ඔබට ප්‍රතිචාර දක්වන අතර, ඒ අනුව, ඔබගේ ඉල්ලීමට අනුමැතිය  ලබා දී තිබේ ද හෝ  ප්‍රතික්ෂේප කර තිබේ ද යන වග ශ්‍රී ලංකාවේ නීතිය යටතේ එ් සදහා හේතු හෙළිදරව් කිරීම තහනම් කර නොමැති නම්, ඒ සඳහා හේතු සහිතව ඔබට දන්වනු ලැබේ. අපට එසේ කළ නොහැකි නම්, අපට ඒ් සදහා අවශ්‍ය විය හැකි වැඩිදුර කාලය පිළිබදව ඔබට දන්වනු ලැ‌‌බේ. කිසිම අවස්ථාවක ඔබගේ ඉල්ලීමට ප්‍රතිචාර දැක්වීමට එකී ඉල්ලීම ලද දිනයේ සිට මාස තුනකට (3) වඩා වැඩි කාලයක් අප විසින් නොගනු ඇත.

ඔබගේ අනන්‍යතාවය තහවුරු කරගැනීමට සහ ඔබගේ පෞද්ගලික තොරතුරු සම්බන්ධයෙන් ඔබගේ ඕනෑම අයිතියක් ක්‍රියාත්මක කරගැනීමට ඔබට අයිතියක් ඇති බව සහතික කිරීමට සමහර විට ඔබෙන් නිශ්චිත තොරතුරු ඉල්ලා සිටීමට අපට  අවශ්‍ය වේ. 

ඉල්ලීමක් ලැබුණු විට සහ ඔබේ ගැටළුව වඩාත් වැදගත් ස්වභාවයක් ගන්නා විට, ඔබගෙන් වැඩිමනත් විස්තර ඉල්ලා සිටිය හැකිය. එවැනි සියළුම වැදගත් ඇමතුම් සම්බන්ධතාවලට ප්‍රතිචාරයක් දක්වනු ලැබේ. අදාළ නීතියෙන් අවසර දී ඇති ප්‍රමාණයට, යම් යම් හේතු මත පදනම්ව, අප විසින් ඔබගේ ඉල්ලීම ප්‍රතික්ෂේප කළ හැකිය.

 

ලැබුණු පිළිතුර ගැන ඔබ සෑහීමකට පත් නොවන්නේ නම්, ඔබගේ පැමිණිල්ල ශ්‍රී ලංකා දත්ත ආරක්ෂණ අධිකාරියට යොමු කිරිමට ඔබට හැකිය.

 

අදාළ නීතියෙන් අවසර දී ඇති ප්‍රමාණයට යම් යම් හේතු මත පදනම්ව අප විසින් ඔබගේ ඉල්ලීම ප්‍රතික්ෂේප කළ හැකිය.

යුනිලීවර් සමාගමේ දත්ත ආරක්ෂණ නිලධාරියා වන  විරාජ් ෆර්ඩිනන්ඩස් මහතා dataprivacy.advisorSL@unilever.com දරන විද්‍යුත් තැපෑලෙන් සම්බන්ධ කර ගත හැකිය.

යුනිලීවර් සමාගමේ  පෞද්ගලිකත්වය පිළිබඳ නිවේදනය  පිළිබඳව හෝ දත්ත සැකසීම පිළිබඳව ඔබට කිසියම් ප්‍රශ්නයක් හෝ ගැටළුවක් ඇත්නම්, හෝ දේශීය පෞද්ගලිකත්වය පිළිබඳ විය හැකි නීති උල්ලංඝනය කිරීමක් පිළිබඳව පැමිණිල්ලක් කිරීමට අපේක්ෂා කරන්නේ නම්, කරුණාකර එය,  (consumercare.usl@unilever.com) දරන විද්‍යුත් තැපෑලක් එවීමෙන් සහ/හෝ ගාස්තු රහිත 1323 දරන අංකය ඇමතීමෙන් සහ/හෝ 077 700 2 700 දරන අංකය වෙත කෙටි පණිවිඩයක්/වට්ස්ඇප් (SMS/ WhatsApp) පණිවිඩයක් එවීමෙන් සහ/හෝ අපගේ වෙබ් අඩවිවල “අප අමතන්න”  (Contact Us ) යන පෝරමය ඔස්සේ  ඉදිරිපත් කිරීමෙන්  අදාළ ප්‍රශ්නය, ගැටළුව, පැමිණිල්ල ඉදිරිපත් කිරීමට කාරුණික වනු මැනවි.  

පාරිභෝගිකයන් වෙත ප්‍රතිපෝෂණ දැක්වීම සඳහා සහ අපගේ නිෂ්පාදන සහ සේවාවන්හි වෙනස්කම් පිළිබිඹු කිරීම සඳහා අවශ්‍ය විටෙක අප විසින් මෙම පෞද්ගලිකත්වය පිළිබඳ නිවේදනය යාවත්කාලීන කරනු ලැබේ. මෙම ප්‍රකාශයට වෙනස්කම් පළ කරන විට, අප විසින් මෙම නිවේදනයේ ඉහළින්ම ඇති “අවසන් වරට යාවත්කාලීන කරන ලද” දිනය සංශෝධනය කරනු ලැබේ. වෙනස්කම් සැලකිය යුතු පමණකට ඇත්නම්, අප විසින් වඩාත් කැපී පෙනෙන නිවේදනයක් (ඇතැම් සේවාවන් සඳහා, පෞද්ගලිකත්වය පිළිබඳ නිවේදනයේ වෙනස්කම් පිළිබඳ විද්‍යුත් තැපැල් දැනුම්දීම ඇතුළුව,) ලබා දීමට කටයුතු කරනු ලැබේ. මෙම පෞද්ගලිකත්වය පිළිබඳ නිවේදනයේ පෙර අනුවාදයන් ඔබේ සමාලෝචනය සඳහා අප විසින් ලේඛනාගාරගත කිරීමට  ද කටයුතු කරනු ලැබේ.

නීතියෙන් අන්‍යාකාරයකින් අවසර දී ඇත්නම් මිස, ඔබගේ කැමැත්තෙන් තොරව මෙම පෞද්ගලිකත්වය පිළිබඳ නිවේදනය යටතේ ඔබගේ අයිතිවාසිකම් අප විසින් අඩුකිරීමක් සිදු කරනු ලැබේ.

මෙම පෞද්ගලිකත්වය පිළිබඳ නිවේදනයට අමතරව, අතිරේක පෞද්ගලිකත්වය පිළිබඳ නියමයන් හෝ නිවේදන මඟින් පාලනය වන නිශ්චිත සංවිධානිත්මස මෙහෙයුම් ව්‍යාපාර හෝ ප්‍රවර්ධන තිබිය හැකිය. ඔබ විසින් එවැනි ව්‍යාපාර හෝ ප්‍රවර්ධනවලට සහභාගී වන්නේ නම්, අතිරේක පෞද්ගලිකත්වය පිළිබඳ නියමයන් හෝ නිවේදනවලට අනුකූල වීමට අවශ්‍ය වන බැවින්, ඔබ විසින් එවැනි ව්‍යාපාර හෝ ප්‍රවර්ධනවලට සහභාගී වීමට පෙර, එකී අතිරේක නියමයන් හෝ නිවේදන කියවන ලෙස අප විසින් ඔබව දිරිමත් කරනු ලැබේ. යම් කවරම වූ අමතර පෞද්ගලිකත්වය පිළිබඳ නියමයන් හෝ නිවේදන පහසුවෙන් ලබාගැනීමට ඔබට හැකිවනු ඇත.

 

මෙම සිංහල පරිවර්තනය සහ මෙහි ඉංග්‍රීසි මුල් පිටපත අතර යම් අනනුකූලතාවයක් ඇති වූ අවස්ථාවක, මෙහි ඉංග්‍රීසි මුල් පිටපතෙහි ප්‍රතිපාදන බල පැවැත්වේ.