බඳවා ගැනීමේ ක්‍රියාවලිය

පහත සඳහන් අවස්ථාවන්හි දී, අප හෝ තෙවන පාර්ශ්වයක් විසින් අනුගමනය කරනු ලබන නීත්‍යානුකූල අවශ්‍යතා සඳහා අවශ්‍ය වූ විට, ඔබ සමඟ රැකියා ගිවිසුමකට එළඹීම, අපගේ නීතිමය බැඳීම්වලට අනුකූල වීම වැනි නිශ්චිත සහ නීත්‍යානුකූල දත්ත සැකසුම් අරමුණු සඳහා පමණක් අප විසින් ඔබගේ පෞද්ගලික දත්ත සකස්කරනු ලැබේ. එනම්: ·      

පුද්ගල පැතිකඩ දැක්වීම කළමනාකරණය : අපගේ බඳවා ගැනීමේ පද්ධති තුළ ඔබ පිළිබඳ සංක්ෂිප්ත විස්තරය දැක්වෙන  පුද්ගල පැතිකඩ දැක්වීම කළමනාකරණය කිරීම සඳහා අප විසින් පෞද්ගලික දත්ත සැකසිය හැකි අතර, එවැනි විටක දී, ඔබගේ කුසලතාවන්, රුචිකත්වයන්, සිටින ස්ථානය ආදිය මත පදනම්ව, අප විසින් ඔබට සපයන අන්තර්ගතය මැනවින් සකස් කරමින්, වත්මන් සහ අනාගත රැකියා අවස්ථා පිළිබඳ තොරතුරු ලබාදීමට අප විසින් ක්‍රියා කළ හැකිය.

පූර්ව-පරීක්ෂාව: ඔබට නීත්‍යානුකූලව ගිවිසුමකට එළඹිය හැකි බවටත්, අත්‍යවශ්‍ය රැකියා නිර්ණායක සපුරාලිය හැකි බවටත්, අප විසින් පරීක්ෂා කරනු ලැබේ. උදාහරණයක් වශයෙන් ඔබට අදාළ රැකියා අවසරය ඇති බව සහ රැකියාව සම්බන්ධ නිශ්චිත පිරික්සුම් ප්‍රශ්නවලට පිළිතුරු දී ඇති බව වශයෙනි. මෙම ක්‍රියාවලිය ස්වයංක්‍රීය කළ හැකිය. ස්වයංක්‍රීය තීරණයක් යනු ස්වයංක්‍රීය ක්‍රම මඟින් පමණක් ගනු ලබන තීරණයක් වන අතර, එහි දී, ඔබගේ පෞද්ගලික දත්තවලට අදාළ තීරණ ගැනීමේ ක්‍රියාවලියට මානව මැදිහත්වීමක් සිදු නොවේ.

පුද්ගල පැතිකඩ දැක්වීම ඇගයීම:

o   පුද්ගල පැතිකඩ දැක්වීම සමාලෝචනය: අපගේ බඳවා ගැනීමේ කාර්ය මණ්ඩලය විසින් ශක්‍යතාවක් සහිත විභව අපේක්ෂකයින් හඳුනා ගැනීමට සහාය වීම සඳහා, ඔබ පිළිබඳ සංක්ෂිප්ත විස්තරය දැක්වෙන  පුද්ගල පැතිකඩ, (වැඩ පළපුරුද්ද, සුදුසුකම් ආදිය,) අභිරුචිකරණය කළ යන්ත්‍ර හැදෑරැම් ආකෘතියක් (customized machine learning model) භාවිතයෙන් ඇගයීමට ලක්කිරීම සහ ශ්‍රේණිගත කිරීම සිදුකළ හැකිය.

o   ක්‍රිඩාකරණය (Gamification): ඔබ විසින් ඉල්ලුම් කර ඇති භූමිකාව සඳහා, ඔබේ ශක්‍යතා විභවය පුරෝකථනය කිරීම පිණිස, යම් මිණුම් ලකුණකට එරෙහිව ඔබව සංසන්දනය කිරීමෙන්, යුනිලීවර් සමාගමේ අභිරුචිකරණය කළ යන්ත්‍ර හැදෑරැම් ආකෘති (customized machine learning models) භාවිතා කරමින්, වාස්තවික හැසිරීම් දත්ත එකතු කර, එය ඇගයීමට ලක්කරන නියුරෝන විද්‍යා ක්‍රීඩා කට්ටලයක් යෙදවීමට ඔබට ඇරයුම්  කළ හැකිය.

o   වීඩියෝ සම්මුඛ පරීක්ෂණය: පූර්ව නිශ්චිත ප්‍රශ්න මාලාවකට පිළිතුරු සැපයීම පිණිස වීඩියෝ සම්මුඛ පරීක්ෂණයකට ඔබට ආරාධනා කළ හැකිය. පටිගත කරන ලද වීඩියෝ යන්ත්‍ර හැදෑරැම් ආකෘතියක් මඟින් විශ්ලේෂණය කර, ඔබව යම් මිණුම් ලකුණකට සංසන්දනය කර, එමඟින්, ඔබ අයදුම් කර ඇති භූමිකාව සඳහා ඔබේ යෝග්‍යතාවය ඇගයීමට ලක්කරයි. සියළුම පුද්ගල පැතිකඩ දැක්වීමේ ඇගයීම් මෙවලම් සාධාරණ සහ අපක්ෂපාතී නිර්ණායක භාවිතා කර ඇති බව තහවුරු කිරීම සඳහා නිතිපතා පරීක්ෂා කරනු ලැබේ.

පුද්ගලික සම්මුඛ පරීක්ෂණය: භෞතිකව මුහුණට මුහුණලා හෝ වීඩියෝ සම්මන්ත්‍රණ සම්මුඛ පරීක්ෂණයක් සඳහා (උදා: ස්කයිප්) ඔබට ආරාධනා කළ විට, එම භූමිකාව සඳහා ඔබේ යෝග්‍යතාවය තක්සේරු කිරීම පිණිස, සම්මුඛ පරීක්ෂකවරයා විසින් අදාළ ප්‍රශ්න අසනු ලැබීම සිදුකළ හැකිය.    

සන්නිවේදනය : බඳවා ගැනීම් සම්බන්ධ විමසීම්වලට පිළිතුරු සැපයීම, සන්නිවේදනයන් යැවීම සහ සම්මුඛ පරීක්ෂණ කාලසටහන්ගත කිරීම සඳහා අප විසින් චැට්බොට් (chatbot) මෘදුකාංගයක් භාවිතා කළ හැකිය.

සංඛ්‍යානමය පර්යේෂණ: අපගේ තේරීම් ක්‍රියාවලියේ ඵලදායීතාවය විශ්ලේෂණය කිරීම සඳහා ඔබගේ දත්ත සහ අනෙකුත් අපේක්ෂකයින්ගේ දත්ත භාවිතා කරමින් අප විසින් සාමාන්‍ය සංඛ්‍යානමය පර්යේෂණයක් සිදුකරන අතර, වාර්තා නිර්මාණය කිරීම සඳහා අප විසින් සමස්ත තොරතුරු භාවිතා කරනු ලැබේ. මෙයට මාර්ගගත ආගන්තුක ක්‍රියාකාරකම පිළිබඳ සැසි දත්ත සැකසීම (processing session data on online visitor activity) ඇතුළත් විය හැකිය.

අප විසින්  ස්වයංක්‍රීය දත්ත සැකසුම් පදනම් කරගෙන පමණක් පුද්ගලයින් බඳවා ගැනීම සිදුකරනු නොලැබේ.  ස්වයංක්‍රීය දත්ත සැකසුම් බඳවා ගැනීමේ ක්‍රියාවලියට සහාය වන විට, මානව මැදිහත්වීමක් ඉල්ලා සිටීමෙන් එවැනි තීරණයක් සමාලෝචනය කිරීමට ඔබට අයිතියක් තිබිය හැකිය.

ඔබගේ පෞද්ගලික දත්ත එකතු කරන ලද අරමුණ (අරමුණු) සඳහා අවශ්‍ය යැයි සැලකෙන තාක් කල් (හෝ අදාළ නීතියෙන් හෝ නියමයෙන් නියම කරන පරිදි,) අප විසින් ඔබගේ පෞද්ගලික දත්ත රඳවා තබාගැනීම සිදුකරනු ලැබේ. ​​ඔබගේ අයදුම්පත අසාර්ථක වුවහොත්, ඔබ විසින් අපට ලබා දුන් තොරතුරු, ඔබගේ අයදුම් පත්‍රය නිසා පැන නඟින ඕනෑම කරුණක් සම්බන්ධයෙන් කටයුතු කිරීම සඳහාත්, වෙනත් රැකියා අවස්ථා සම්බන්ධයෙන් ඔබව සම්බන්ධ කරගැනීම සඳහාත්, සහ යුනිලීවර් සමාගමේ යම්  නීත්‍යානුකූල ව්‍යාපාරික අරමුණු සඳහාත්, සාධාරණ කාලයක් සඳහා යුනිලීවර් සමාගම විසින් තවදුරටත් රඳවා තබාගෙන භාවිතා කළ හැකිය. එකී පෞද්ගලික දත්ත, අප විසින් හඳුනාගත් අරමුණු සඳහා තවදුරටත් අවශ්‍ය නොවන විටක දී හෝ අදාළ නොවන විට දී හෝ ඔබ විසින් තවදුරටත් අප සමඟ සම්බන්ධතා පවත්වා ගැනීමට උනන්දුවක් නොදක්වන බව ඔබ විසින් සඳහන් කර ඇති විටක දී, අප  විසින් ඔබගේ පෞද්ගලික දත්ත ආරක්ෂිතව බැහැර කිරීමට කටයුතු කරනු ලැබේ.

බඳවා ගැනීමේ ක්‍රියාවලියට අදාළ අරමුණු සඳහා, අප විසින් ඔබගේ පෞද්ගලික දත්ත:

·       ඔබ සිටින ස්ථානයෙන් පිටත පිහිටා ඇති සමාගම් ඇතුළුව, යුනිලීවර් සමාගම් සමූහය තුළ ඇති අනෙකුත් සමාගම් සමඟ;

·       යුනිලීවර් සමාගමේ බලයලත් තෙවන පාර්ශ්වීය නියෝජිතයින්, සේවා සපයන්නන් සහ/හෝ උප කොන්ත්‍රාත්කරුවන් සහ විශේෂයෙන්ම යුනිලීවර් සමාගම වෙනුවෙන් විමර්ශන සහ පසුබිම් පරීක්ෂාවන් සිදුකරන බලයලත් තෙවන පාර්ශ්වයන් සමඟ; සහ

·      නීතිමය බැඳීමකට අනුකූල වීම සඳහා, බලයලත් මහජන අධීකාරින් , රජය, නියාමන හෝ මූල්‍ය නියෝජිත ආයතන සමඟ;

හුවමාරු  කරගැනීම සිදුකළ හැකිය.

ජාත්‍යන්තර දත්ත පැවරීම

මෙම පෞද්ගලිකත්වය පිළිබඳ දැන්වීමේ විස්තර කර ඇති අරමුණු සඳහා, යුනිලීවර් සමාගම් සමූහය තුළ හෝ තෙවන පාර්ශ්වයන් සමඟ අප විසින් පෞද්ගලික දත්ත හුවමාරු කරගැනීම සිදුකළ හැකිය.

තව ද, ඔබගේ පෞද්ගලික දත්ත, යුනිලීවර් සමාගම විසින් ශ්‍රී ලංකාවෙන් පිටත ඕනෑම රටකට යැවීම සිදුකළ හැකි වනුයේ ,,

(i)             ඔබගේ පෞද්ගලික දත්ත එපරිදි එවැනි රටකට හුවමාරු කිරීම නොසලකා, පෞද්ගලික දත්ත ආරක්ෂණ පනත (PDPA)  යටතේ අපගේ අනිවාර්ය බැඳීම්වලට අනුකූල වීමට අපට හැකියාව ඇති පරිදි බට, සහ

(ii)           ශ්‍රී ලංකාවේ දත්ත ආරක්ෂණ අධිකාරිය විසින් නියම කළ හැකි සුදුසු සාධන පත්‍රයක් එවැනි රටක දත්ත ප්‍රතිග්‍රාහකයා සමඟ ලියා අත්සන් කිරීමෙන් පසුව පමණක් හෝ හෝ පෞද්ගලික දත්ත ආරක්ෂණ පනත (PDPA)  මඟින් අන්‍යාකාරයකින් අවසර දී ඇති පරිදි බව,

යුනිලීවර් සමාගම විසින් සෑහීමකට පත්වන්නේ නම් පමණි.  

අප විසින් ඔබගේ පෞද්ගලික දත්ත ආරක්ෂා කරන්නේ කෙසේ ද?

යුනිලීවර් සමාගම විසින් ඔබගේ පෞද්ගලික දත්තවල ආරක්ෂාව ඉතා බැරෑරුම් ලෙස සැලකිල්ලට ලක්කරනු ලැබේ. ඔබගේ පෞද්ගලික දත්ත, අනිසි ලෙස භාවිතා කිරීම, මැදිහත්වීම්, නැතිවීම, අනවසර ප්‍රවේශය, වෙනස් කිරීම හෝ හෙළිදරව් කිරීම් ආදියෙන් ආරක්ෂා කිරීමට අප විසින් සෑම උත්සාහයක්ම ගනු ලැබේ.

මේ සඳහා අපගේ පියවරවලට සුදුසු ප්‍රවේශ පාලනයන් ක්‍රියාත්මක කිරීම, අප විසින් භාවිතා කරන තොරතුරු තාක්ෂණ පරිසරයන් ආරක්ෂා කිරීම සඳහා සුදුසු තොරතුරු ආරක්ෂණ හැකියාවන් සඳහා ආයෝජනය කිරීම සහ හැකි සෑම විටම පෞද්ගලික දත්ත කේතකරණය, ව්‍යාජ නාමකරණය සහ හඳුනාගැනීමේ ලක්ෂණ ඉවත් කිරීම  සහතික කිරීම ඇතුළත් වේ.

ඔබගේ පෞද්ගලික දත්ත වෙත ප්‍රවේශය, අපගේ සේවකයින් අතර හුදෙක් දැනගත යුතු පදනමක් මත පමණක් අවසර දෙනු ලබන අතර, තෙවන පාර්ශ්වයන් විසින් දත්ත සකසන විට දැඩි ගිවිසුම්ගත රහස්‍යතා බැඳීම්වලට යටත් කරනු ලැබේ.

අප විසින් ඔබ පිළිබඳව තබාගන්නා පෞද්ගලික දත්ත සම්බන්ධයෙන් ඔබගේ දේශීය නීතිය යටතේ ඔබට යම් යම් අයිතිවාසිකම් තිබිය හැකිය. විශේෂයෙන්ම, ඔබට පහත සඳහන් දෑ සම්බන්ධයෙන් අයිතියක් තිබිය හැකිය. එනම්:  

·                  ඔබගේ පෞද්ගලික දත්ත එකතු කිරීම සහ භාවිතය පිළිබඳව දැනුවත් වීමට;

·                 ඔබ පිළිබඳව අප සතුව ඇති පෞද්ගලික දත්ත වෙත ප්‍රවේශ වීමට ;

·                  අප විසින් ඔබ පිළිබඳව සකසන පෞද්ගලික දත්තවල අසත්‍ය හෝ අසම්පූර්ණ බව නිවැරදි කිරීමට හෝ සම්පූර්ණ කිරීමට ඉල්ලා සිටීමට;

·                 ඔබ පිළිබඳව අප සතුව ඇති පෞද්ගලික දත්ත අප විසින් මකා දැමීමට ඉල්ලීමක් ඉදිරිපත් කිරීමට;

·                 යම් අවස්ථානුගත තත්ත්වයන් යටතේ ඔබගේ පෞද්ගලික දත්ත තවදුරටත් සැකසීමට විරෝධය දැක්වීමට ඉල්ලීමක් ඉදිරිපත් කිරීමට; එවැනි අවස්ථාවක දී,  ඔබගේ පෞද්ගලික දත්ත සැකසීමට අදාළ නීතිය මඟින් අපට අවසර ඇත්නම් මිස,  අප විසින් ඔබගේ පෞද්ගලික දත්ත සැකසීම නවත්වනු ලැබේ.

·                 ඔබ සම්බන්ධයෙන් වන තීරණයක් මුළුමනින්ම ස්වයංක්‍රීය දත්ත සැකසීම මත පදනම් වන විට සහ  ශ්‍රී ලංකාවේ යම් ලිඛිත නීතියක් යටතේ ඔබගේ අයිතිවාසිකම්වලට සහ නිදහසට අප්‍රතිවර්තනීය සහ අඛණ්ඩ බලපෑම් සිදුකරන හෝ සිදුකිරීමට හැකිවන්නා වූ එවැනි තීරණයක් සමාලෝචනය කිරීම සඳහා ඉල්ලීමක් ඉදිරිපත් කිරීමට;

·                 ශ්‍රී ලංකාවේ නීතිය යටතේ හෝ නිසි අධිකරණයක ආඥාවක් මත, නිවැරදි කිරීමකින් තොරව, සාක්ෂිමය කාර්යය සඳහා ඔබගේ පෞද්ගලික දත්ත පවත්වා ගැනීමට අපට අවශ්‍ය වන විට, නිවැරදි කිරීම සඳහා ඔබේ ඉල්ලීම නොතකා, යම් සීමිත අවස්ථානුගත තත්වයන් යටතේ දත්ත සැකසීම සීමාකිරීම පිණිස ඉල්ලීමක් ඉදිරිපත් කිරීමට;

·                 ඔබගේ පෞද්ගලික දත්ත අප විසින් සැකසීම කැමැත්ත මත පදනම් වන ප්‍රමාණයට සහ එකී කැමැත්ත හුදෙක් දත්ත සැකසීම සඳහා අවසර දිය හැකි එකම පදනම වීම වන විටක දී, ඔබගේ පෞද්ගලික දත්ත අප විසින් එපරිදි සැකසීම පිළිබඳ ඔබගේ කැමැත්ත ඉල්ලා අස්කර ගැනීම පිණිස ඉල්ලීමක් ඉදිරිපත් කිරීමට; (කෙසේ වෙතත් ඔබ විසින් එසේ ඉල්ලීමක් ඉදිරිපත් කරන්නේ නම්, ඔබගේ කැමැත්ත ඇතිව ඒ දක්වා ඔබගේ පෞද්ගලික දත්ත සම්බන්ධයෙන් අප විසින් සිදුකර ඇති කිසිවක් නීති විරෝධී බව එයින් අදහස් නොවේ.)

·           ඔබගේ පෞද්ගලිකත්ව අයිතිවාසිකම් සුරක්ෂිත කිරීමට අප විසින් අපොහොසත් වුවහොත්, ශ්‍රී ලංකාවේ දත්ත ආරක්ෂණ අධිකාරියට පැමිණිලි කිරීමට;

ඔබගේ අයිතිවාසිකම් ක්‍රියාත්මක කිරීම

ඔබගේ දත්තවල පෞද්ගලිකත්වය පිළිබඳ අයිතිවාසිකම් ක්‍රියාත්මක කිරීම සඳහා ඔබ විසින්  Ruvini.Perera@unilever.com දරන විද්‍යුත් තැපෑලෙන් මානව සම්පත් කණ්ඩායමට ලිඛිත ඉල්ලීමක් යැවිය හැකිය.

ඔබ විසින් එවැනි ඉල්ලීමක් ඉදිරිපත් කරන ලද අවස්ථාවක, එවැනි ඉල්ලීමක් ලද දිනයේ සිට මාස එකක් (1) ඇතුළත අප විසින්  ඔබට ප්‍රතිචාර දක්වන අතර, ඒ අනුව, ඔබගේ ඉල්ලීමට අනුමැතිය  ලබා දී තිබේ ද හෝ  ප්‍රතික්ෂේප කර තිබේ ද යන වග ශ්‍රී ලංකාවේ නීතිය යටතේ එ් සදහා හේතු හෙළිදරව් කිරීම තහනම් කර නොමැති නම්, ඒ සඳහා හේතු සහිතව ඔබට දන්වනු ලැබේ. අපට එසේ කළ නොහැකි නම්, අපට ඒ් සදහා අවශ්‍ය විය හැකි වැඩිදුර කාලය පිළිබදව ඔබට දන්වනු ලැ‌‌බේ. කිසිම අවස්ථාවක ඔබගේ ඉල්ලීමට ප්‍රතිචාර දැක්වීමට එකී ඉල්ලීම ලද දිනයේ සිට මාස තුනකට (3) වඩා වැඩි කාලයක් අප විසින් නොගනු ඇත.

ඔබගේ අනන්‍යතාවය තහවුරු කරගැනීමට සහ ඔබගේ පෞද්ගලික දත්ත සම්බන්ධයෙන් ඔබගේ ඕනෑම අයිතියක් ක්‍රියාත්මක කරගැනීමට ඔබට අයිතියක් ඇති බව සහතික කිරීමට සමහර විට ඔබෙන් නිශ්චිත තොරතුරු ඉල්ලා සිටීමට අපට  අවශ්‍ය වේ.

අප විසින් අදාළ නීතියෙන් අවසර දී ඇති ප්‍රමාණයට යම් යම් හේතු මත පදනම්ව ඔබගේ ඉල්ලීම ප්‍රතික්ෂේප කළ හැකිය.

ඔබගේ ඉල්ලීම ඔබ සෑහීමකට පත්වන පරිදි විසඳා නොමැති නම්, dataprivacy.advisorSL@unilever.com   යන විද්‍යුත් තැපෑල හරහා අපට ලිඛිතව දැන්වීමෙන් ඔබට අපගේ දත්ත ආරක්ෂණ නිලධාරියා හා සම්බන්ධ විය හැකිය.

කරුණාකර වත්මන් තනතුරක් සඳහා අයදුම් පත්‍ර නිසි නාලිකා (channels) හරහා පමණක් ඉදිරිපත් කරන්න. (උදා: යුනිලීවර් වෘත්තීය වෙබ් අඩවි) නිවැරදි ඇමතුම් සම්බන්ධතා ස්ථානය වෙත ඔබගේ ඉල්ලීම ලැබීම ඔබගේ ඉල්ලීම සම්බන්ධයෙන් වේගවත් අන්දමින් ක්‍රියාකිරීම උදෙසා අප වෙත මහඟු අවස්ථාවක් උදාකරයි.

පෞද්ගලික දත්ත ආරක්ෂණ පනත (PDPA) යටතේ අපට අවසර ලබා දී අවස්ථාවක, ඔබගේ ඉල්ලීම ඉටු කිරීම උදෙසා අප විසින් ඔබගෙන් සාධාරණ පරිපාලන ගාස්තුවක් අය කළ හැකිය.ලැබුණු පිළිතුරෙන් ඔබ සෑහීමකට පත් නොවන්නේ නම්, ඔබ විසින් ඔබගේ පැමිණිල්ල ශ්‍රී ලංකාවේ දත්ත ආරක්ෂණ අධිකාරිය වෙත යොමු කළ හැකිය.

ඔබ විසින්  යුනිලීවර් සමාගම සම්බන්ධ කර ගන්නේ කෙසේ ද?   

යුනිලීවර් සමාගමේ දත්ත ආරක්ෂණ නිලධාරියා වන  විරාජ් ෆර්ඩිනන්ඩස් මහතා dataprivacy.advisorSL@unilever.com දරන විද්‍යුත් තැපෑලෙන් සම්බන්ධ කර ගත හැකිය.

යුනිලීවර් සමාගමේ  පෞද්ගලිකත්වය පිළිබඳ නිවේදනය  පිළිබඳව හෝ දත්ත සැකසීම පිළිබඳව ඔබට කිසියම් ප්‍රශ්නයක් හෝ ගැටළුවක් ඇත්නම්, හෝ දේශීය පෞද්ගලිකත්වය පිළිබඳ නීති උල්ලංඝනය කිරීමක් පිළිබඳව පැමිණිල්ලක් කිරීමට අපේක්ෂා කරන්නේ නම්, කරුණාකර එය,  (consumercare.usl@unilever.com) දරන විද්‍යුත් තැපෑලක් එවීමෙන් සහ/හෝ ගාස්තු රහිත 1323 දරන අංකය ඇමතීමෙන් සහ/හෝ 077 700 2 700 දරන අංකය වෙත කෙටි පණිවිඩයක්/වට්ස්ඇප් (SMS/ WhatsApp) පණිවිඩයක් එවීමෙන් සහ/හෝ අපගේ වෙබ් අඩවිවල “අප අමතන්න”        (Contact Us ) යන පෝරමය ඔස්සේ  ඉදිරිපත් කිරීමෙන්  අදාළ ප්‍රශ්නය, ගැටළුව, පැමිණිල්ල ඉදිරිපත් කිරීමට කාරුණික වන්න.

මෙම සිංහල පරිවර්තනය සහ මෙහි ඉංග්‍රීසි මුල් පිටපත අතර යම් අනනුකූලතාවයක් ඇති වූ අවස්ථාවක, මෙහි ඉංග්‍රීසි මුල් පිටපතෙහි ප්‍රතිපාදන බල පැවැත්වේ.

මෙම පෞද්ගලිකත්වය පිළිබඳ නිවේදනය  කාලයත් සමඟ වෙනස් විය හැකිය. මෙම පෞද්ගලිකත්වය පිළිබඳ නිවේදනය  2025 මැයි මාසයේ දී අවසන් වරට යාවත්කාලීන කරන ලදී.